ကုဋေ ၈၀ သူဌေးသား သူဌေးသမီး အကြောင်း ငယ်ငယ်ကတော့ ကျောင်းစာမှာ သင်ရပေမယ့် ပါချုပ်ဆရာတော်ကြီး ဟောကြားမှ အချိန်ရှိခိုက် လုံ့လစိုက်ကာ အမြော်အမြင်ရှိစွာ အသုံးချတတ်ဖို့ မြတ်စွာဘုရား ဟောကြားတော်မူတာ ဆင်ခြင်မိပါတယ်။
ကုဋေ Crore
ကုဋေ Crore ဆိုတာ သိန်းတရာ ပါ။ 107 = တစ်နောက်မှာ သုည ၇ လုံး ပါ။ သိန်း Lakh နှင့် ကုဋေ Crore တို့ က အိန္ဒိယ ဂဏန်းသင်္ချာ ကနေ ဆင်းသက်လာပြီး အသုံးများပါတယ်။
ပညာတတ်တယ်
ကျောင်းပညာရေး ပြီးမှ / ဘွဲ့ရမှ ပညာတတ်တယ် မဟုတ်ပါဘူး။
အမှား/အမှန် ၊ အကောင်း/အဆိုး ၊ အကျိုး/အကြောင်း ပိုင်းခြားသိမြင်နိုင်တာ ကို ပညာတတ်တယ် လို့ ခေါ်တာပါ။
စီးပွားရှာဖို့ ပညာသင်တယ်
ဒီလို အတွေးအခေါ်မျိုး မထားသင့်ကြောင်း ကုဋေ ၈၀ သူဌေးသားသမီး ဥပမာကြည့် သင်ခန်းစာ ယူပါ။
ပထမ အရွယ် ၊ ဒုတိယ အရွယ် ၊ တတိယ အရွယ်
လူ့သက်တမ်း ၇၅ နှစ် အပိုင်းအခြား မှာ
ပထမ အရွယ် – ၀-၂၅ နှစ်
ဒုတိယ အရွယ် – ၂၆-၅၀ နှစ်
တတိယ အရွယ် – ၅၁-၇၅ နှစ်
ပညာရှာ၊ စီးပွားရှာ၊ တရားရှာ
ပထမ အရွယ် ပညာရှာ
ဒုတိယ အရွယ် စီးပွားရှာ
တတိယ အရွယ် တရားရှာ
ဒီလိုမျိုး ပြောလေ့ ရှိပေမယ့် … မြတ်စွာဘုရား က အဲ့လိုမျိုး မဟောထားပါဘူး။
ဟောကြားထားတာ က
ပထမ အရွယ် ကတည်းက ပညာ (စီးပွား/တရား) ရှာထားရင်
စီးပွားရေး ဘက်လိုက်ရင် ပထမတန်းစား သူဌေး
တရားဓမ္မ ဘက်လိုက်ရင် ရဟန္တာ / အနာဂါမ်
ဒုတိယ အရွယ် မှ စတင် ကြိုးစားပြီး ပညာ (စီးပွား/တရား) ရှာရင်တော့
စီးပွားရေး ဘက်လိုက်ရင် ဒုတိယတန်းစား သူဌေး
တရားဓမ္မ ဘက်လိုက်ရင် အနာဂါမ် / သကဒါဂါမ်
တတိယ အရွယ် မှ စတင် ကြိုးစားပြီး ပညာ (စီးပွား/တရား) ရှာရင်တော့
စီးပွားရေး ဘက်လိုက်ရင် တတိယတန်းစား သူဌေး
တရားဓမ္မ ဘက်လိုက်ရင် အနာဂါမ် / သောတာပန်
တတိယ အရွယ် ကျော်လွန်သွားပြီတော့ မီးစာ ကုန်ဆုံးသွားလို့ ဘာ အခြေအနေ မှ မရှိတော့ဘူး။
ပညာ ဆိုတဲ့ အထဲမှာ စီးပွားရေး / အလုပ်အကိုင်ပညာ နှင့် တရားဓမ္မ တို့လည်း ပါဝင်တာပါ။
စောစော စတင်နိုင်လေ ကောင်းလေ ပဲ။
.\rrr\uu
ဒါပေမယ့် မလုပ်ဖြစ်ခဲ့ရင်လည်း
စတင်ဖို့ နောက်ထပ် အကောင်းဆုံး အချိန် က
အခုအချိန် ပဲ။
ဘယ်အရွယ် ရောက်ရောက်
ပညာရှာ၊ စီးပွားလည်းရှာ၊ တရားလည်း ရှာကြပါ။