အချစ်တဲ့

အချစ်တဲ့ by ဇာနည်(MyWay!) | Myanmar Network က ပိုစ့်ကို ကူးယူဖော်ပြပါသည်။

Myanmar Network ဆိုတာက British Council (BC) ဗြိတိသျှကောင်စီ က ထောက်ပံ့ပေးထားတဲ့ ချိတ်ဆက်တခုပါ။
အခုတော့ ဝက်ဆိုက်ဒ် ပိတ်သိမ်းသွားပါပြီ။

လူရယ်လို့ဖြစ်လာကြတဲ့အခါ ကလေးဘဝအချိန်ကတည်းက အချစ် ဆိုတဲ့စကားလုံးကို မကြာခဏကြားနေရတာပေါ့။

ဆယ်ကျော်သက်အရွယ်ရောက်တဲ့အခါမှာတော့ ဆန့်ကျင်ဘက်လိင်ကို စိတ်ဝင်စားမှုတွေဟာ ထင်ထင်ရှားရှား ပွင့်အန်လာတတ်တာ ဓမ္မတာပါ။ we are biologically programmed to be attracted to opposite sex.ပေါ့။ အချစ်ဘယ်ကစသလဲ။ တစ်ယောက်နဲ့တစ်ယောက် မြင်ဖူးတွေ့ဖူးခြင်းမရှိပါပဲ အောင်သွယ်တော်ကောင်းမှုနဲ့ တွေ့ကြတဲ့ blind date မျိုးလည်းရှိတယ်။ တစ်ချို့ကျတော့ မြင်မြင်ချင်းချစ်သွားကြတယ်တဲ့။ love at first sight. မိန်းကလေးတစ်ယောက်ရဲ့ အလှ beauty ၊ ညှို့ဓါတ်(သို့) ကျက်သရေ charm တွေဟာ မြင်ရတဲ့ယောက်ျားလေးတွေအဖို့ ငြင်းဆန်ခြင်းဟာ မစွမ်းသာတဲ့ undeniable ပိုင်ဆိုင်မှု assets တွေပါပဲ။ ဒီတော့လဲ have a crush on (somebody) ကြိုက်မိသွားတာပေါ့။ တစ်ခါတစ်လေမှာ သူ့အပြုံးလေးတစ်ခု၊ ပါးပေါ်က မှဲ့လေးတစ်စက် ဒါမှမဟုတ် ပါးချိုင့်လေး တစ်ခုနဲ့တင် အရမ်းခိုက် to be smitten with somebody သွားတတ်တာလဲ ရှိတယ်။ ကိုယ်နှစ်လိုတဲ့ သူနဲ့တွေ့တဲ့အခါ မျက်လုံးချင်းဆုံအောင် eye contact ယူကာ သူနဲ့ နီးစပ်အောင် chat (somebody) up စကားရှာပြောဖို့ ကြိုးစားရတယ်။

မိန်းကလေးဘက်က စတဲ့အခါမှာတော့ တစ်ချို့ယဉ်ကျေးမှု အမြင်မှာ ပရောပရီ flirt with (somebody) လုပ်သလိုမျိုးတော့ ရှိတာပေါ့။ တစ်ချို့ကျတော့လည်း a secret admirer တိတ်တခိုး ချစ်နေရရင် ကျေနပ်နေကြပြန်တယ်။ တဘက်သတ်ဘဝ unrequited love, unrequited passion ကိုတော့ ဘယ်သူမှ လိုချင်ကြမှာ မဟုတ်ပါဘူး။ အဆင်ပြေမယ်ဆိုရင်တော့ ချစ်စကားပြော propose လုပ်တဲ့အဆင့်ကို တက်မယ်။ အစဉ်အလာအားဖြင့် ယောကျ်ားလေးက ဒူးထောက် goes down on one knee ပြီး pop the question မေးခွန်းမေးတယ်။ အရှက်ကြီးတဲ့ မိန်းကလေးများကြတော့ ချက်ခြင်း အဖြေပေးရင် သိက္ခာကျမှာစိုးလို့ စိတ်မဝင်စားသလို indifference နေပြကြမယ်။ ဒါကို ကောင်လေးဘက်က အထာကိုင်နေတာ playing hard to get လို့ ထင်တတ်တယ်။ ကောင်မလေးက yes လို့ ဖြေလိုက်ရင်တော့ ချစ်သူတွေ ဖြစ်သွားကြပြီပေါ့။

အချစ်က ပျော်ရွှင်ခြင်း happiness, joy၊ အနစ်နာခံခြင်း sacrifice, မျှော်လင့်ခြင်း hope, တွေကို ဆောင်ယူလာပေးမယ်။ ကိုယ့်ချစ်သူကို ပွင့်လင်းရိုးသားမှု sincerity ရှိဖို့တော့ လိုမယ်။ တစ်ဦးနှင့်တစ်ဦး အပြန်အလှန် လေးစားနားလည် admiration, appreciation, esteem, favour, honor, regard တတ်မှ ရေရှည်ခိုင်မြဲမယ့် long-term relationship ဖြစ်မှာပေါ့။ ချစ်စခင်စကြင်နာစ be in the flush of romance အချိန်မှာ ချစ်သူကို ချစ်စနိုးနဲ့ ခေါ်တဲ့အမည်တွေ terms of endearment တွေကလည်း darling, sweetheart, love, babe/baby, honey တဲ့အများကြီးပဲ။ ချစ်သူဘဝနဲ့ ကြာလာတဲ့အခါ အတူတူ နေချင်လာကြရင် to take the plunge စေ့စပ်ကြ၊ လက်ထပ်ကြမယ်။ လူကြီးမိဘတွေစုံရာနဲ့ engage စေ့စပ်ကြမယ်။ tie the knots စုလျားရစ်ပတ် လက်ထပ်ကြမယ်။ ကောင်လေးက သူ့ဇနီးလောင်း fiancee ကို စေ့စပ်လက်စွပ် engagement ring လေးပေးမယ်။ သတင်းကြားတဲ့ သူငယ်ချင်းတွေကတော့ I can hear wedding bells ဘယ်တော့စားရမလဲလို့ နောက်လိမ့်မယ်။ မင်္ဂလာဆောင်အတွက်တော့ နှစ်ဦးသား ပီတိတွေနဲ့ ပြင်ဆင်ကြရမှာပါ။ ယူကေမှာတော့မင်္ဂလာဆောင်တွေဟာ Registry Office ရုံးတက်လက်မှတ်ထိုးတဲ့ civil ceremony အရပ်မင်္ဂလာဆောင်နဲ့ ဘုရားကျောင်းမှာဆောင်တဲ့ ထုံးတမ်းဆင်လာ white wedding မင်္ဂလာဆောင်ရယ်လို့ နှစ်မျိုးရှိပါတယ်တဲ့။ ဘုရားကျောင်းမှာဆောင်ရင် ကြိုတင်ဘွတ်ကင် (booking) လုပ်ရတယ်။ draw up a guest list ဖိတ်မယ့်ဧည့်သည်စာရင်း လုပ်မယ်။ bridesmaids သတို့သမီးအရံ နဲ့ best man သတို့သားအရံ ရွေးမယ်။ တကယ့် မင်္ဂလာပွဲလုပ်မယ့်နေ့အထိ pre-wedding nerves စိုးရိမ်စိတ်တွေ ရှိတတ်ကြတာ သဘာဝပါ။ မင်္ဂလာဆောင် ဧည့်ခံပွဲ reception ပြီးသွားတဲ့အခါမှာတော့ ကြင်စဦးဇနီးမောင်နှံ newly weds, just married ဖြစ်သွားကြပါပြီ။  leave on honeymoon ပျားရည်ဆမ်းခရီး ထွက်ချင်ထွက်နိုင်ကြပြီလေ။ nuptial chamber သဉ္ဖာလီခန်းဆောင်လယ်မှာ မင်းသားလေး နဲ့ မင်းသမီးလေး ပေါင်းကြလေသတည်းပေါ့။

ဒါပေမယ့် တစ်ချို့ relationship ဇတ်လမ်းလေးတွေကတော့ ပျော်စရာ မကောင်းဘဲ  အလွမ်းနဲ့ ဇာတ်သိမ်းရတာလည်းရှိတတ်တာပဲလေ။ The course of true love never did run smooth အချစ်စစ်တို့မည်သည် ဖြောင့်ဖြူးရာ လမ်းမရှိဘူး လို့ ရှိတ်စပီးယားကြီး ကတော့ ပြောခဲ့ဖူးတာပဲ။ အချစ်တစ်ခုကို တည်မြဲဖို့ ဆိုတာက အကြောင်းတရားတွေ အများကြီး ကိုက်ညီမှ ဖြစ်မှာပါ။ ဒါကြောင့်လည်း falling in love ချစ်ရတာထက် staying in love အချစ်ကို တည်မြဲအောင် လုပ်ရတာ ပိုခက်တယ်လို့ ဆိုကြပါပေါ့။ တစ်ယောက်နဲ့တစ်ယောက် အမြင်မတူတဲ့အခါ have a domestic / have a row စကားများ ရန်ဖြစ်ကြပြန်တယ်။ မိန်းမကပဲဖြစ်ဖြစ်၊ ယောက်ျားကပဲဖြစ်ဖြစ် he/she is playing away from home အပြင်မှာ old flame ငယ်ကျွမ်းဆွေနဲ့ ပြန်ဇာတ်လမ်းသစ်တွေ ရှာတဲ့အခါ အော်ကြီးဟစ်ကျယ်ဖြစ်လို့ အိမ်နီးနားချင်းတွေကတောင် they have blazing rows လို့ပြောယူရမယ်။ တစ်ဖက်သားမှာ love sick, heartbroken အသည်းကွဲမယ်။ အချစ်နာကျမယ်။ သူ့ကို fed up with စိတ်ကုန်လာမယ်။ ဒီထက်ဆိုးလာရင် loose appeal မေတ္တာပျက်သွားမယ်။ အချစ် ကျောခိုင်းလိုက်ပြီ ဆိုရင်တော့ hate, loathe, အမုန်းမြို့ရိုးရဲ့ အစပေါ့။  despise, detest စက်စုပ်ရွံရှာတဲ့ပုံစံနဲ့ သူ့ကို တည့်တည့်ကြည့်ပြီး you are the person I hate most မေတ္တာတုန်းကြီးလို့ပြောလိုက်မယ်။ နောက်ဆုံး to split up လမ်းခွဲကြဖို့ ပြောမယ့်စကား break-up lines တွေကလည်း မနည်းဘူး။

We need to talk
I just need some space
It’s not you, it’s me
I hope that we can always be friends
This is hurting me more than it is hurting you
It’s not enough that we love each other
It simply wasn’t meant to be

“ကိစ္စများမြောင် လူတို့ဘောင်ဝယ် အိမ်ထောင်သားမွေး” ကိစ္စတွေဟာ သိမ်မွေ့နက်နဲ တတ်ပါတယ်။ ချစ်သူဘ၀ make love to somebody အချစ်နယ် ကျွံကြရင်းနဲ့ နောက်ပိုင်း ချစ်သူက to dump somebody ပစ်သွားလို့ ကိုယ်ဝန်နဲ့ ကျန်ခဲ့တဲ့အခါ အဖေ မပေါ်တဲ့ ကလေး lovechild တွေရဲ့ ဘဝလေးတွေက သနားစရာကောင်းလှပါတယ်။

ဖြူစင်တဲ့ မေတ္တာတရား ဆိုတာကမှ အေးမြတဲ့ ခံစားမှုကို ပေးစွမ်းနိုင်ပါတယ်။ ချစ်သူကိုရော အချစ်ခံရတဲ့သူကော နှစ်ဦးစလုံးအတွက် cheerful, glad, joyful, joyous, merry, pleased   သာယာပျော်ရွှင်မှုကို ပေးတဲ့ true love အချစ်စစ်နဲ့ ဘဝကြင်ဖော် soulmate တွေ့ကြပါစေလို့ ဆုတောင်းလိုက်ပါတယ်။

ဇာနည်(MyWay!) 22-9-2011

အချစ်တဲ့ by ဇာနည်(MyWay!) | Myanmar Network က ပိုစ့်ကို ကူးယူဖော်ပြပါသည်။

Myanmar Network ဆိုတာက British Council (BC) ဗြိတိသျှကောင်စီ က ထောက်ပံ့ပေးထားတဲ့ ချိတ်ဆက်တခုပါ။
အခုတော့ ဝက်ဆိုက်ဒ် ပိတ်သိမ်းသွားပါပြီ။

စာချည်း သင်ရင် ပျင်းစရာကြီး … ဒီလို သင်မှ စိတ်ဝင်စားတာ …

ဒီလို စာကို အင်္ဂလိပ်စာ နဲ့ မြန်မာစာ နဲ့ ပြေပြေပြစ်ပြစ် ချောချောမွေ့မွေ့ ရေးသွားနိုင်တဲ့အပြင် စာသားစုတွေကလည်း တော်တော်များများ စုံလင်၊ အကြောင်းအရာကလည်း အစီအစဉ် အကျနဲ့ ထိမိနေ။